ناشتے کے دو اہم فوائد ہوتے ہیں توانائی میں اضافہ اور خواہشات میں کمی۔
پرانی کہاوت ہے کہ ناشتہ دن کا سب سے اہم کھانا ہوتا ہے اور جو آپ ناشتے میں کھاتے ہیں وہ آپ کے پورے دن کو متاثر کر سکتا ہے۔
ماہرین غذائیت کا کہنا ہے کہ عام طور پر صحت بخش ناشتہ کرنے کا مشورہ دیا جاتا ہے کیونکہ دن میں یہ واحد وقت ہوتا ہے جب کوئی شخص کچھ اچھا کھانے کے بارے میں سوچ سکتا ہے اور اپنے لیے کچھ وقت نکال سکتا ہے۔
انگلش میں خبریں پڑھنے کے لئے یہاں کلک کریں
تاہم، بہت کم لوگ اس بات سے واقف ہیں کہ کون سا کھانا خالی پیٹ کھانا صحت بخش ہے اور کون سا نہیں۔
کیا آپ جاننا چاہتے ہیں کہ آپ کی توانائی کو برقرار رکھنے کے لیے آپکو ناشتے میں کیا کھانا چاہیے، غذائی ماہرین کے مطابق کھانے کے لیے 10 بہترین صحت مند ناشتے میسرہوتے ہیں جو درج ذیل ہیں۔
مونگ پھلی کا مکھن اور شکرقندی
کرسی کیرول، اسنیکرز میں سنیکنگ کے آر ڈی کہتے ہیں۔ کہ شکرقندی کو اپنے صبح کے کھانے میں شامل کرنا صحت مند کاربوہائیڈریٹس کو شامل کرنے کا بہترین طریقہ ہے۔ یہ خاص طور پر فعال لوگوں کے لیے اہم ہے۔
شکرقندی میں پوٹاشیم، وٹامن اے اور فائبر بھی شامل ہیں۔ جب آپ اسکو مونگ پھلی کے مکھن سے صحت مند چکنائی کے ساتھ ملاتے ہیں تو آپ کا کھانا متوازن ہوتا ہے۔
دلیہ
صبح دلیہ کھانے کے بہت سے فائدے ہیں جن میں سے ایک یہ ہے کہ یہ معدے کو ہائیڈروکلورک ایسڈ سے بچاتا ہے۔ اس کے علاوہ دلیہ میں موجود فائبر کولیسٹرول کی سطح کو کم کرتا ہے۔
سیب
سیب میں فائبر کی مقدار بہت زیادہ ہوتی ہے،جو جسم میں پانی کو اپنی جانب کھینچ کر ایک جیل تشکیل دیتا ہے جو کھانے کے عمل انہضام کو سست کر دیتی ہے، اور بلڈ شوگر کی سطح کو مستحکم رکھتے ہوئے انسولین کی حساسیت میں اضافہ ہوتا ہے۔
روزانہ ایک سیب کھانے سے فالج کا خطرہ بھی کم ہوتا ہے۔ مطالعہ کے دوران 20،000 سے زیادہ افراد نے دس سال تک پھل اور سبزیاں کھائیں۔ اور نتائج سے معلوم ہوا کہ سرخ سیب کھانے کی عادت رکھنے والوں میں فالج کا خطرہ 9 فیصد تک کم ہوجاتا ہے۔
بہترین صحت کے لیے نقطہ نظر: دماغ، جسم اور روح کو متوازن کرنا
شہد کے ساتھ نیم گرم پانی
معدنیات، وٹامنز اور دیگر اہم اجزا جو نظام انہضام کو صحت مند رکھنے کے لیے ضروری ہیں شہد میں پائے جاتے ہیں۔ خالی پیٹ شہد کے ساتھ نیم گرم پانی پینے سے جسم سے تمام زہریلے مادے اور جراثیم خارج ہو جاتے ہیں۔ اس کے علاوہ شہد جسم کی توانائی کی پیداوار اور میٹابولزم کو بڑھاتا ہے۔
بلیو بیریز
ایک تحقیق میں بتایا گیا ہے کہ روزانہ بلیو بیریز کھانے سے یادداشت، بلڈ پریشر اور میٹابولزم بہتر ہوتا ہے۔
انڈا
روزانہ ایک انڈا کھانے کے بے حد فائدے ہیں۔ جو شخص صبح انڈا کھاتا ہے وہ انسان دن بھر چست و توانا رہتا ہےاور اسے طویل وقت تک بھوک نہیں لگتی۔ اس کے علاوہ روزانہ ایک انڈا کھانے سے وزن کم کرنے میں مدد ملتی ہے۔
بھیگے بادام
بادام پروٹین، فائبر، وٹامن ای، مینگنیز اور اومیگا تھری اور اومیگا 6 فیٹی ایسڈ سے بھرپور ہوتے ہیں۔ تاہم اگر بادام کا صحیح استعمال نہ کیا جائے تو ان کے فوائد ضائع ہوسکتے ہیں۔ بادام کھانے کا صحیح طریقہ یہ ہے کہ بادام کو ہمیشہ رات بھر بھگو کر رکھیں اور پھر صبح نہار منہ کھائیں۔
تازہ پھل
پھل ہماری صحت کے لیے بہت مفید اور ضروری ہیں۔ پھلوں میں پانی، فائبر، وٹامنز اور معدنیات زیادہ ہوتے ہیں۔ ماہرین کے مطابق پھلوں سے بھرپور غذا کھانے سے ہاضمے میں مدد مل سکتی ہے اور وٹامن سپلیمنٹس سے بچا جا سکتا ہے۔
اس کے علاوہ روزانہ کی بنیاد پر پھل کھانے سے جسم کو کافی توانائی ملتی ہے، وزن کم کرنے میں مدد ملتی ہے۔ اور یہ پورے دن کے لیے ضروری توانائی فراہم کرتے ہیں۔
چیا کے بیج
چیا کے بیج، جن میں فائبر اور اومیگا 3 فیٹی ایسڈز زیادہ ہوتے ہیں، ان کے بہت سے فائدے ہیں، وہ سوزش کو کم کرنے اور آپ کی بھوک کو پورا کرنے میں مدد کرتے ہیں۔ اور چیا کے بیج ہڈیوں کو مضبوط بنا سکتے ہیں۔
یونانی دہی
دہی اعلی پروٹین مواد سے بھر پور ہوتا ہے، یہ پٹھوں کے لئے ذاتی ٹرینز کے طور پر شمار کی جاتا ہے، دہی کا صحت مند بیکٹیریل مواد وزن کو کنٹرول کرنے اور میٹابولک بڑھانے میں مدد کرتا ہے۔
تازہ ترین خبروں سے با خبر رہنے کے لئے یہاں کلک کریں
بہترین صحت کے لئے آپ کیا رائے دے سکتے ہیں
