باجوڑ میں جے یو آئی کانفرنس میں دھماکہ 40 افراد جاں بحق

باجوڑ میں جے یو آئی کے کارکنان کی کانفرنس کے دوران دھماکہ ہوا جس میں مقامی امیر سمیت 40 کے قریب افراد جاں بحق اور 150 سے زائد زخمی ہوئے۔

باجوڑ کے جے یو آئی کے ورکرز کنونشن میں دل ہلانے والا دھماکہ ہوا جس کے عینی شاہدین کا دعویٰ ہے کہ یہ کانفرنس کے باضابطہ آغاز سے قبل اس مقام پر ہوا جہاں جے یو آئی کے بہت سے کارکنان جمع تھے۔

انگلش میں خبریں پڑھنے کے لئے یہاں کلک کریں

علاوہ ازیں وزیراعظم شہباز شریف نے باجوڑ میں جے یو آئی کے ورکرز کنونشن میں ہونے والے دھماکے میں معصوم جانوں کے ضیاع پر دلی دکھ اور افسوس کا اظہار کیا ہے۔

دھماکے میں زخمی ہونے والوں کو بہترین طبی سہولیات فراہم کرنے کی ہدایات دیتے ہوئے وزیراعظم نے دھماکے میں جاں بحق ہونے والوں کے لیے مغفرت اور لواحقین کے لیے صبر جمیل کی دعا کی۔

وزیر اعظم شہباز شریف نے واقعے کا مکمل جائزہ لینے کے بعد ذمہ داروں کی شناخت کا حکم دیا ہے۔