کراچی میں خواتین کو ہراساں کرنے والا شخص گرفتار

کراچی کے علاقے بلدیہ ٹاؤن میں خواتین کو ہراساں کرنے والے شخص کو حراست میں لے لیا گیا جو کے راہ چلتی لڑکیوں کو تنگ کرتا تھا۔  

پولیس کا کہنا ہے کہ سوشل میڈیا فوٹیج میں ملزم کو موٹر سائیکل پر سوار خواتین کو ہراساں کرتے ہوئے دیکھا گیا ہے۔

انگلش میں خبریں پڑھنے کے لئے یہاں کلک کریں

ڈی آئی جی ساؤتھ کے مطابق مجرم کو سی سی ٹی وی کی مدد سے پکڑا گیا، موٹر سائیکل پر سوار شخص نجی سیکیورٹی فرم کا ملازم ہے۔

واضح رہے کہ حال ہی میں عوامی سطح پر خواتین کو ہراساں کیے جانے کے متعدد واقعات سامنے آئے ہیں۔

جولائی میں گلستان جوہر میں ایک موٹر سائیکل سوار نے سڑک عبور کرنے والی لڑکی کو ہراساں کیا، تاہم پولیس ابھی تک ملزم کو پکڑنے میں کامیاب نہیں ہو سکی۔

اس کے علاوہ اورنگی ٹاؤن میں بھی چلتی لڑکی سے چھیڑ چھاڑ کی گئی جس کے باعث ملزم کو پولیس نے حراست میں لے لیا۔