پاکستانی اداکار آغا مصطفیٰ کو ڈرامہ تیرے بن، کی پیشکش ایک ایسے وقت میں ہوئی جب وہ کام نہ ملنے کی وجہ سے خودکشی کا سوچ رہے تھے۔
ایک نجی ٹی وی کے مارننگ شو میں آغا مصطفیٰ نے حال ہی میں ان مشکلات کے بارے میں گہرائی سے بات کی جو انہیں مسلسل ہٹ ڈرامے بنانے کے باوجود کام تلاش کرنے میں درپیش آ رہے تھے۔ اداکار نے دبتایا کہ دو سال تک کوئی کام نہیں ملا اس کے بعد جب مشہور ڈرامہ تیرے بن، میں کام کرنے کی آفر ملی تو وہ انتہائی دکھی اور خودکشی کا سوچ رہے تھے۔
انگلش میں خبریں پڑھنے کے لئے یہاں کلک کریں
اداکار نے بتایا کے انڈسٹری میں قدم رکھنے کے مختصرعرصے میں ہی میں نے ایک تھی مریم، سنگِ مار مار اور کیسا ہے نصیباں، جیسے کامیاب پروجیکٹس کیے۔ لیکن ایک موقع ایسا آیا جب کوئی انہیں انڈسٹری میں کام نہیں دے رہا تھا۔
انہوں نے انڈسٹری لابنگ پر بھی تبادلہ خیال کیا اور کہا کہ انہیں اس کی کوئی پرواہ نہیں ہے کیونکہ انہیں پورا یقین ہے کہ جو کچھ ان کے لئے ہے وہ انہیں ملے گا۔ دوسرے لوگوں پر بھروسہ کرنے کے بجائے وہ صرف اللہ پر بھروسہ رکھتے ہیں۔
انڈسٹری میں کبھی خود سے کام نہیں مانگا
آغا مصطفیٰ کے مطابق انہوں نے کبھی کسی ہدایت کار یا ساتھی اداکار سے کسی قسم کی فیورنہیں مانگی۔ وہ رو رو کر دعائیں مانگتے تھے اور دو سال تک مسلسل کام نہ ملنے پراس قدر مایوس ہو گیا کہ اپنی جان لینے پر غور کرنے لگا تھا۔
لیکن مجھے یقین تھا کہ رزق اللہ دیتا ہے، آغا مصطفیٰ نے کہا۔ ڈرامہ سیریل تیرے بن میں اداکاری کا دعوت نامہ اسی وقت آیا، اور میں نے اسکرپٹ پڑھے بغیرایکسیپٹ کر لیا کیونکہ مجھے کسی بھی طرح گھرکے لیے کام کرنا تھا۔ بل تھے جو ادا کرنے تھے۔
اداکارکا کہنا تھا کہ ڈرامے کے چند مناظر فلمانے کے بعد انہوں نے دیکھا کہ ڈرامہ اور ان کے کردار دونوں میں کافی اینرجی ہے۔ نتیجے کے طور پر، انہوں نے اس پروجیکٹ پر مزید محنت کی، اور ڈرامہ بہت کامیاب رہا، جس کے نتیجے میں دوسرے ڈراموں کی پیشکش ہونے لگی.
ان کا کہنا تھا کہ زندگی کے پچھلے دو سال سے جو مسلسل ہٹ پروجیکٹس کررہا تھا اس کے بعد ان میں انا پیدا ہوگئی تھی جو اب مکمل طور پر ختم ہو گئی ہے اور شاید اللہ کو اسی طرح سبق سیکھانا تھا مجھے۔
