اداکارہ انوشکا شرما اور ویرات کوہلی کے ہاں دوسرے بچے کی پیدائش ہوئی ہے۔
بالی ووڈ اداکارہ انوشکا شرما اور بھارتی کرکٹر ویرات کوہلی نے ایک انسٹاگرام پوسٹ میں اس بات کی تصدیق کی کہ ان کے ہاں رواں ماہ فروری میں دوسرے بچے کی پیدائش ہوئی ہے۔
انگلش میں خبریں پڑھنے کے لئے یہاں کلک کریں
انسٹاگرام پوسٹ میں انکشاف کیا گیا کہ جوڑے نے چند روز قبل 15 فروری کو ایک بیٹے کا استقبال کیا، جس کا نام آکے رکھا گیا۔
انوشکا شرما اور ویرات کوہلی نے بچے کی پیدائش پر نیک خواہشات کا اظہار کرنے والے لوگوں کا شکریہ ادا کیا اور نئے بچے اور ماں کی صحت یابی کے لیے دعا کی اپیل بھی کی۔
جوڑے نے یہ واضح نہیں کیا کہ اداکارہ نے بچے کو کہاں جنم دیا اور نہ ہی بچے اور ماں کی صحت کے حوالے سے کوئی وضاحت کی۔
اس سے قبل، جوڑے کی شادی کے 4 سال بعد جنوری 2021 میں پہلی بیٹی وامیکا کی پیدائش ہوئی تھی۔
یہ بھی پڑھیں: کنگنا رناوت نے ویرات کوہلی کی تعریف کی
ویرات کوہلی اور انوشکا شرما کی شادی دسمبر 2017 اٹلی میں ہوئی تھی۔
جوڑے نے اپنے پہلے بچے کی پیدائش کا بھی اعلان کیا کیونکہ مقررہ تاریخ قریب تھی۔
اس بار جوڑے نے اس کی پیدائش کے بعد اپنے دوسرے بچے کی پیدائش کا اعلان کیا جب کہ ان کے دوسرے بچے کی خبریں گزشتہ سال سے متوقع تھیں۔
رواں ماہ فروری کے آغاز میں سابق جنوبی افریقی کرکٹر اے بی ڈی ویلیئرز نے بھی کہا تھا کہ جوڑا دوسرے بچے کی توقع کر رہا ہے تاہم بعد میں وہ دباؤ میں آ گئے اور کہا کہ ویرات کوہلی کے ساتھ ان کے ممکنہ دوسرے بچے کی خبریں غلط تھیں۔
