مسلح افراد نے ڈی ایچ اے میں گاڑی پر فائرنگ کر دی۔ جس میں پی ٹی آئی کے ایم پی اے اسلم ابڑو کے بھائی اور بھتیجا جاں بحق ہو گئے۔
زخمیوں کو ہسپتال لے جایا گیا، ہسپتال حکام کے مطابق فائرنگ سے اکرم ابڑو اور ان کا بیٹا شہریار ابڑو جاں بحق ہوئے گئے۔
انگلش میں پڑھنے کے لئے یہاں کلک کریں
پولیس کے مطابق، مسلح افراد نے ان کی کار پر اس وقت فائرنگ کری جب وہ خیابان شمشیر میں اپنے گھر کے نزدیک عائشہ مسجد کے قریب پہنچے۔ واقعہ کے وقت ایم پی اے اسلم ابڑو گاڑی میں موجود نہیں تھے۔
اس واقعے میں مزید چار افراد کو بھی نقصان پہنچا۔ عبداللہ، ارشد علی اور عمر کی شناخت ہوگئی ہے اور جناح ہسپتال میں زیر علاج ہیں۔
ایس پی انویسٹی گیشن ساؤتھ کے مطابق، مبینہ طور پر اس واقعے میں بھاری ہتھیار اور 9 ایم ایم ہینڈ گن استعمال کی گئی۔ حملہ آوروں کی جانب سے کار پر کم از کم 50 گولیاں چلائی گئیں۔
پولیس کے مطابق عینی شاہدین کے بیانات قلمبند کیے جائیں گے۔ ایم پی اے اسلم ابڑو اور ان کے اہل خانہ پولیس سینئر کمانڈ سے رابطے میں ہیں۔
پولیس کے مطابق کار میں پانچ افراد سوار تھے۔ ملزمان موٹر سائیکل پر آئے، فائرنگ کی اور پھر فرار ہو گئے۔
