پاکستان میں ایک بار پھر تیز بارش کا امکان

پاکستان میں 5 سے 7مارچ کے درمیان شدید بارش کا امکان ہے۔

پاکستان کے محکمہ موسمیات (پی ایم ڈی) نے پیش گوئی کی ہے کہ پاکستان میں 5 سے 7 مارچ کے درمیان بارش کا مکمل امکان ہے۔

آج جاری کردہ ایک ایڈوائزری میں، حکام نے خبردار کیا ہے کہ آنے والے ہفتوں میں موسم ملک کے کئی علاقوں میں لینڈ سلائیڈنگ، سیلاب اور برف باری کا سبب بن سکتا ہے۔

انگلش میں خبریں پڑھنے کے لئے یہاں کلک کریں

پی ایم ڈی کا کہنا ہے کہ بارشوں سے خیبرپختونخوا کے علاوہ آزاد کشمیر، گلگت بلتستان، بالائی اور جنوبی پنجاب اور بلوچستان متاثر ہوں گے۔

ملک کے بیشتر حصوں میں وقفے وقفے سے سرد اور خشک موسم برقرار رہے گا۔

پی ایم ڈی نے پیش گوئی کی ہے کہ سندھ میں شدید سردی کی لہر برقرار رہے گی۔

چند دنوں میں صوبے کا اوسط درجہ حرارت مارچ سے دس ڈگری کم ہو جائے گا۔

کراچی میں مارچ کا عام درجہ حرارت 19.4 ڈگری سینٹی گریڈ ہے۔ پی ایم ڈی کے مطابق آج کراچی کا درجہ حرارت 11.1 ڈگری سینٹی گریڈ تھا جو کہ مارچ کے عام اوسط سے 8.3 ڈگری سینٹی گریڈ زیادہ ہے۔

یہ بھی پڑھیں: بلوچستان میں بارشوں سے ہونیوالے نقصانات کی اہم رپورٹ

حکام نے بتایا کہ موسلا دھار بارشوں کے دنوں میں پاکستان میں بارش سے متعلقہ واقعات میں 30 سے زائد افراد ہلاک ہو چکے ہیں اورہزاروں سکول بند ہیں۔

ملک کے بہت سے حصوں میں، جمعرات سے بڑے پیمانے پر، شدید بارش کے نتیجے میں سنگین رکاوٹیں آئی ہیں۔ جبکہ صوبہ بلوچستان میں جمعرات تک تمام سکول بند کر دیے گئے ہیں۔

شمال مغربی صوبہ خیبر پختونخواہ میں عمارت گرنے سے 18 بچوں سمیت 26 افراد ہلاک ہو گئے۔

بارش کے باعث خیبرپختونخوامیں نقصان 

خیبر پختونخوا کے صوبائی ڈیزاسٹر مینجمنٹ اتھارٹی کے ترجمان تیمور علی خان کے مطابق، خیبر پختونخوا میں گزشتہ چار دنوں سے جاری بارشوں کے نتیجے میں مجموعی طور پر 27 افراد اپنی جانوں سے ہاتھ دھو بیٹھے ہیں۔

مٹی کے تودے گرنے سے 150 سے زائد مکانات کو نقصان پہنچا اور ایک اور شخص اپنی جان سے ہاتھ دھو بیٹھا۔

ڈیزاسٹر مینجمنٹ آرگنائزیشن کے سربراہ جہانزین خان کے مطابق جنوبی صوبہ بلوچستان میں جمعرات اور جمعہ کو عمارتیں گرنے سے پانچ افراد ہلاک ہوئے۔

مقامی میڈیا کے مطابق، تباہ شدہ سڑکیں، سیلاب اور لینڈ سلائیڈنگ نے بلوچستان کے اہم شہروں سے دیہات کا رابطہ منقطع کر دیا ہے، جب کہ گلگت بلتستان میں بڑی سڑکیں بند کر دی گئی ہیں۔

تازہ ترین خبریں پڑھنے کے لئے یہاں کلک کریں