سماجی کارکن اور پاکستانی میوزک انڈسٹری کی سابق گلوکارہ رابی پیرزادہ کی دلہن بنی تصویر سوشل میڈیا پر وائرل ہوگئی۔
اسلام سے محبت کی وجہ سے رابی پیرزادہ نے انٹرٹینمینٹ انڈسٹری کو چھوڑ دیا۔ انہوں نے سوشل میڈیا پلیٹ فارم ایکس پر دلہن بنی ہوئی تصاویر شیئر کیں۔
انگلش میں خبریں پڑھنے کے لئے یہاں کلک کریں
ایکس پر اپ لوڈ کی گئی تصاویر میں رابی پیرزادہ شاندار سلور برائیڈل گاؤن اور دلکش زیورات پہنے ہوئے نظر آ رہی ہیں۔
تصویر میں رابی پیرزادہ کو مسکراتے ہوئے اور اپنا دوپٹہ پکڑے ہوئے دکھایا گیا ہے۔ یہ تصویریں ایک شادی ہال میں لی گئی ہیں۔
رابی پیرزادہ نے کہا، جب ٹوٹا ہوا دل جُڑ جاتا ہے تو وہ کسی بھی چیز سے زیادہ مضبوط ہو جاتا ہے۔ اور اس کے ساتھ تصویر پوسٹ کی۔
یہ بھی پڑھیں: کیا رابی پیرزادہ شادی کرنے والی ہیں؟
ایک تصویر میں، رابی پیرزادہ کو گلاب کے پھولوں کا ہار پکڑے ہوئے دکھایا گیا ہے، اورانہوں نے اس تصویر کے ساتھ الحمدللہ، کے الفاظ لکھے۔
فینز نے فوری طور پر سابق گلوکار کی پوسٹ کو تبصروں سے بھر دیا۔ کیا آپ نے شادی کر لی ہے؟ ایک صارف نے ان کی شادی پر مبارکباد دی۔ اور کچھ فینس نے اچھے نصیب کی دعا بھی کی۔
رابی پیرزادہ نے دسمبر 2023 میں اپنے ایکس اکاؤنٹ پر ایک شخص کا ہاتھ تھامے ہوئے اپنی ایک تصویر شیئر کی تھی۔ تصویر میں رابی پیرزادہ اور اس شخص کا چہرہ نظر نہیں آ رہا تھا، جبکے وہ دونوں ایک گاڑی میں بیٹھے تھے۔
واضح رہے کہ رابی پیرزادہ اس سے قبل بطور گلوکار، اداکار، ماڈل اور آرٹسٹ تفریحی شعبے میں کام کر چکی ہیں۔ تاہم، انہوں نے اپنے مذہبی عقائد کو آگے بڑھانے کے لیے انڈسٹری چھوڑ دی، اور وہ فی الحال ایک خیراتی ادارہ چلا رہی ہیں۔
