محکمہ موسمیات کے مطابق ملک میں برفباری اور بارش کا امکان ہے۔
اسلام آباد:ملک میں درجہ حرارت مزید گرنے کاامکان ہے، محکمہ موسمیات نے پیر کو ملک کے پہاڑی مغربی اور بالائی علاقوں میں برفباری اور بارش کی پیشگوئی کی ہے۔
محکمہ موسمیات کے مطابق آئندہ بارہ گھنٹوں کے دوران ملک کے بیشتر علاقوں میں موسم سرد اور جزوی طور پر ابر آلود رہنے کا امکان ہے۔
تاہم بلوچستان، خیبرپختونخوا، گلگت بلتستان، جنوبی پنجاب، خطہ پوٹھوہار، کشمیر اور گردونواح کے پہاڑی علاقوں میں بارش، آندھی یا گرج چمک کے ساتھ بارش کی پیش گوئی کی گئی ہے جس کے نتیجے میں پہاڑوں پر برف باری ہوگی۔
انگلش میں خبریں پڑھنے کے لئے یہاں کلک کریں
اس دوران کئی مقامات پر ژالہ باری کا بھی امکان ہے۔ پیشن گوئی کی پوری مدت کے دوران، شمالی اور جنوب مغربی بلوچستان میں بھی الگ تھلگ، موسلادھار بارشوں کا امکان ہے۔
راولپنڈی، اٹک، چکوال، جہلم، میانوالی، سرگودھا اور خوشاب میں بارش کی پیشگوئی کی گئی ہے۔
یہ بھی پڑھیں: اسلامی جہاد نے غزہ میں حملوں کا دعویٰ کیا ہے
محکمہ موسمیات کا کہنا ہے کہ مری، گلیات اور آس پاس کے اضلاع میں بارش اور برفباری کا خطرہ ہے۔
سندھ کے علاقوں جامشورو، کراچی، دادو، نوشہر، فیروز اور لاڑکانہ میں بھی بارش کا امکان ہے۔
آج صبح بڑے شہروں کا درجہ حرارت
اسلام آباد اور مظفرآباد میں پانچ ڈگری سینٹی گریڈ، لاہور اور پشاور میں گیارہ ڈگری، کراچی میں بائیس ڈگری، کوئٹہ میں دو، گلگت میں تین ڈگری اور مری میں صفر ڈگری سینٹی گریڈ رہا۔
