صوابی کے ایک کنویں میں چار افراد دم گھٹنے سے جاں بحق

خیبرپختونخوا کے ضلع صوابی میں بدھ کو گورڈن کیمپ کے علاقے میں کنویں میں دم گھٹنے سے چار افراد جاں بحق ہوگئے جس میں ایک کمسن لڑکی بھی شامل تھی۔

صوابی ریسکیو ذرائع کے مطابق لڑکی غلطی سے کنویں میں گر گئی تھی، اسے بچانے کے لیے تین افراد نے کنویں میں چھلانگ لگا دی۔

انگلش میں خبریں پڑھنے کے لئے یہاں کلک کریں 

تاہم، وہ سب کنویں میں آکسیجن کی کمی کی وجہ سے دم گھٹنے سے دم توڑ گئے۔

ریسکیو ٹیموں نے ایک مشکل آپریشن کے بعد چاروں جاں بحق افراد کی لاشیں کنویں سے نکال لیں۔

ریسکیو حکام کا خیال ہے کہ کنویں میں آکسیجن کی کمی کے باعث ہلاک ہونے والوں کی موت دم گھٹنے سے ہوئی۔