پاکستان میں اب گھر بنانا غریب آدمی کے بس میں نہ رہا تعمیراتی سامان کی قیمتیں آسمان سے باتیں کرنے لگی ہیں۔ تمام سامان پر حکومت کی جانب سے بے تحاشہ ٹیکسز کا اضافہ ہو رہا ہے۔
گھر بنانا اب عام فرد کا ایک خواب بن کر رہ گیا ہے پاکستانی بلڈرز نے بھی اپنے پروجیکٹس پر کام کرنا چھوڑ دیا ہے زیادہ تر پروجیکٹس ادھورے ہی ہیں ۔
ملک بھر کے تمام شہروں میں تعمیراتی سامان کی لاگت میں بے پناہ اضافہ ہوگیا ہے صنعتی ادارے تباہی کے دہانے پر پہنچ گئے ہیں۔
رپورٹ کے مطابق حکومت کی طرف سے تعمیراتی سامان میں ٹیکسز کا بے تحاشہ اضافہ ہوا ہے جس کے باعث ملک میں تمام شعبہ جات کی طرح تعمیراتی صنعت بھی ٹھپ ہو کر رہ گئی ہے۔
انگلش میں خبریں پڑھنے کے لئے یہاں کلک کریں
اس وقت بلڈرز حضرات اوردکاندار سبھی پریشان ہیں، دیگر کاروباری افراد کا کہنا ہےکہ قیمتوں میں اتنا زیادہ اضافہ تعمیراتی صنعت کے لئے بےحد نقصان کا باعث بن رہا ہے قیمت بڑھنے سے سامان کی کھپت آدھی ہوچکی ہے۔
اس لئےبلڈرز اور وہ دکاندار جو تعمیراتی سامان فروخت کرتے ہیں ان سب کا کہنا ہے کہ تعمیراتی سامان پر ٹیکسز کم کیے جائیں اور مضبوط معاشی حکمت عملی کو اپنایا جائے تاکہ ملک بھر میں تعمیراتی کاروبار رواںدواںرہ سکے۔
