جرمن جنرل اور پاکستانی آرمی چیف کا علاقائی سلامتی پر تبادلہ خیال

جرمن فوج کے سربراہ لیفٹیننٹ جنرل الفوناس ماس نے جنرل ہیڈ کوارٹرز (جی ایچ کیو) میں چیف آف آرمی سٹاف جنرل سید عاصم منیر سے ملاقات کی۔

انٹر سروسز پبلک ریلیشنز (آئی ایس پی آر) کے ایک بیان میں کہا گیا کہ دونوں فوجی رہنماؤں لیفٹیننٹ جنرل الفوناس ماس اور چیف آف آرمی سٹاف جنرل سید عاصم منیر نے باہمی دلچسپی کے امور، علاقائی سلامتی کی صورتحال اور دفاعی تعاون پر تبادلہ خیال کیا۔

جنرل عاصم اور لیفٹیننٹ جنرل الفوناس ماس  نے تمام شعبوں میں دوطرفہ تعلقات کو مضبوط بنانے کے ارادے کو دہرایا۔

جرمن مسلح افواج کے ایک جنرل نے دہشت گردی کے خطرے کے خلاف جنگ میں پاکستانی فوج کی کامیابیوں اور خطے میں امن و سلامتی کے لیے جاری اقدامات کی تعریف کی۔

برلن اور اسلام آباد کے درمیان فوجی تعلقات ہیں اور دونوں ممالک کے فوجیوں نے مختلف تربیتی مشقوں میں حصہ لیا اور دفاع کے بارے میں معلومات بھی شیئر کیں۔

انگلش میں خبریں پڑھنے کے کیے یہاں پر کلک کریں