چنئی کی ایک عدالت نے سابق معروف اداکارہ جیا پرادا کو جرم ثابت ہونے پر چھ ماہ قید اور پانچ ہزار روپے جرمانے کی سزا سنائی ہے۔
بھارتی میڈیا کے مطابق یہ مقدمہ کئی سال پرانا ہے اور اس میں جیا پرادا کے ساتھ رام کمار اور راجہ بابو جوکاروباری ساتھی تھے وہ بھی قصور وار پائے گئے۔
ذرائع کا دعویٰ ہے کہ اداکارہ چنئی میں ایک فلم تھیٹر چلاتی تھیں جو معاشی بدحالی کے باعث بند ہو گیا تھا۔ فلم تھیٹر کے ملازمین نے اداکارہ اور اس کے ساتھی کارکنوں کے خلاف تنخواہوں میں کٹوتی کا مقدمہ دائر کیا تھا۔
انگلش میں خبریں پڑھنے کے لئے یہاں کلک کریں
رپورٹس کے مطابق، جیا پردا نے کٹوتیوں کا اعتراف کیا، تھیٹر کے عملے کے بقایا قرض ادا کرنے کا عہد کیا، اور عدالت سے اس معاملے کو ختم کرنے کو کہا۔
اداکارہ کی اپیل کو عدالت نے مسترد کر دیا، اور اس کے بدلے انہیں چھ ماہ کی قید اور 5000 جرمانے کی سزا سنائی گئی۔
ستر اوراسی کی دہائی کی تیلگو اور بالی ووڈ فلموں کی سب سے مشہور اداکاراؤں میں سے ایک، جیا پردا نے بعد میں سیاست کو اپنانے کے لیےشوبز کو خیرباد کہہ دیا اور فی الحال بی جے پی کی کارکن ہیں۔
