اسلامی جہاد نے غزہ میں اسرائیلی افواج کے خلاف حملوں کا دعویٰ کیا ہے۔
فلسطینی اسلامی جہاد گروپ کے مسلح ونگ القدس بریگیڈ کا کہنا ہے کہ اس نے جبالیہ میں گائیڈڈ راکٹ سے اسرائیلی فوجیوں کو نشانہ بنایا اور اس کے سنائپرز نے غزہ شہر میں ایک فوجی کو گولی مار دی۔
انگلش میں خبریں پڑھنے کے لیے یہاں کلک کریں
گروپ نے یہ بھی کہا کہ اس نے غزہ کی پٹی کے جنوب میں خان یونس میں اسرائیلی فوج کی ایک پوزیشن پر ایک گروپ پر مارٹر گولے داغے۔
دوسری طرف اسرائیل نے جنوبی غزہ کی لڑائی میں ہلاک ہونے والے دو فوجیوں کے نام بتائے ہیں۔
براڈکاسٹر i24 کے مطابق، اسرائیلی فوج نے اعلان کیا ہے کہ سٹاف سارجنٹ نیریا بیلیٹ اور گیواتی جاسوسی یونٹ کے اسٹاف سارجنٹ آئیڈو ایلی زریھان غزہ کی پٹی کے جنوب میں مارے گئے۔
یہ بھی پڑھیں: غزہ میں اسرائیلی فوجی ہلاک، 3 زخمی
رپورٹ میں بتایا گیا کہ انکلیو کے جنوب میں لڑائی میں گیواتی یونٹ کا ایک افسر اور دو سپاہی بھی شدید زخمی ہوئے۔
اس میں کہا گیا ہے کہ 27 اکتوبر کو پٹی پر زمینی حملے کے آغاز سے اب تک کم از کم 240 اسرائیلی فوجی ہلاک ہو چکے ہیں۔
