امیر بالاج ٹیپو قتل کیس میں انکے قریبی دوست کو گرفتار کر لیا گیا۔
امیر بالاج ٹیپو قتل کیس میں اہم پیش رفت سامنے آگئی جس میں ملزم احسن شاہ کو پولیس نے حراست میں لے لیا۔ تفصیلات میں بتایا گیا ہے کہ احسن شاہ کو لاہور میں سی آئی اے پولیس نے رات گئے باضابطہ طور پر حراست میں لیا تھا۔ احسن شاہ کو امیر بالاج کی جاسوسی کے شبے میں گرفتار کر لیا گیا ۔ ملزم کو آج عدالت میں پیش کیا جائے گا۔
انگلش میں خبریں پڑھنے کے لئے یہاں کلک کریں
احسن شاہ پر کیس میں شناخت کیے گئے ملزمان سے رابطے کا شبہ ہے۔ احسن شاہ مبینہ طور پر قتل ہونے والے امیر بالاج ٹیپو کے قریبی دوست تھے۔ مبینہ طور پر درج ملزمان نے مخبر کے عوض ملزم کو رقم دی۔
یاد رہے کہ گزشتہ ماہ لاہور میں ملتان روڈ پر شادی کی تقریب کے دوران فائرنگ ہوئی تھی جس کے نتیجے میں گینگسٹر ٹیپو ٹرکاں والا کا بیٹا امیر بالاج ٹیپو جاں بحق اور دو افراد زخمی ہو گئے تھے۔ پولیس نے چوہنگ تھانے میں مقدمہ درج کر لیا ہے۔
امیر بالاج ٹیپو کے شوٹرزنے امیر حسین پر فائرنگ کر دی جس سے وہ بھی موقع پر ہی جاں بحق ہو گئے۔ فائرنگ کا واقعہ اس وقت پیش آیا جب عامر بالاج شادی کی تقریب سے نکل رہے تھے، اس کی فوٹیج بھی منظر عام پر آگئی۔
