یو اے ای کا گولڈن ویزا صبا قمر کو مل گیا

دبئی: پاکستان کی فلم اور ٹیلی ویژن کی جانی پہچانی اداکارہ صبا قمر کو متحدہ عرب امارات کا گولڈن ویزا مل گیا ہے جس سے وہ بے حد خوش ہیں۔

منگل کو صبا قمر نے انسٹاگرام پر یو اے ای کا گولڈن ویزا ملنے پر حکومت سے اظہار تشکر کرتے ہوئے لکھا کہ میں یو اے ای کی شکر گزار ہوں کہ انہوں نے میرے لیے اپنے گھر کے دروازے کھولے۔

طریقہ کار مکمل کرنے پر کنسلٹنٹ کا شکریہ ادا کرنے کے ساتھ ساتھ انہوں نے متحدہ عرب امارات اور پاکستانی پرچموں کی تصویر بھی پوسٹ کی۔

انگلش میں خبریں پڑھنے کے لئے یہاں کلک کریں

یو اے ای حکومت کی سرکاری ویب سائٹ کے مطابق یو اے ای ویزا ایک طویل مدتی رہائشی ویزا ہے جو پوری دنیا کے اہل پیشہ ور افراد کو ملک میں رہنے، تعلیم حاصل کرنے یا کام کرنے کی اجازت دیتا ہے۔

گولڈن ویزا کے اہل افراد میں سرمایہ کار، سائنسدان، اعلیٰ طلباء، حالیہ گریجویٹ اور ہیرو شامل ہیں۔