پنجاب میں وبا کے باعث اسکول پیر تک بند

آشوب چشم کی وبا کے باعث وزیراعلیٰ پنجاب محسن نقوی نے پنجاب میں نجی اور سرکاری اسکول کل سے پیر تک بند رکھنے کا اعلان کر دیا۔

عبوری وزیر اعلیٰ پنجاب محسن نقوی کی ہدایت کے مطابق محکمہ اسکولز ایجوکیشن نے وبا کے باعث 28 اور 30 ستمبر کو تعطیل کا اعلان کیا ہے۔

انگلش میں خبریں پڑھنے کے لئے یہاں کلک کریں

عید میلادالنبی کے موقع پر 29 ستمبر کو اسکول بند رہیں گے۔

نگران وزیراعلیٰ پنجاب محسن نقوی نے لاہور کے گورنمنٹ گرلز ہائی اسکول راوی روڈ کا دورہ کیا تو کلاس رومز میں آشوب چشم میں مبتلا طالبات کو دیکھ کر وہ پریشان ہو گئے۔

پنجاب کے عبوری وزیر اعلیٰ نے فوری طور پر سیکرٹری اسکولز کو بلایا اور صوبے کے تمام سرکاری اور نجی اسکولوں کو جمعرات اور ہفتہ کو بند رکھنے کا حکم دیا۔

سیکرٹری اسکولز کے مطابق، یہ فیصلہ، جو تمام پنجابی اسکولوں میں نافذ کیا جائے گا، بچوں کو آشوب چشم کی وبا سے بچانے کے لیے کیا گیا ہے۔