صوبائی دارالحکومت لاہور میں بدھ کے روز 30 سالوں میں سب سے زیادہ بارشیں ہوئیں، جس کے نتیجے میں بڑے پیمانے پر شہری سیلاب اور بجلی میں تعطل پیدا ہوا، جس میں کم از کم سات افراد کی ہلاکت کی تصدیق ہوئی۔
وزیر اعظم شہباز شریف نے لاہور میں صورتحال کا نوٹس لیتے ہوئے پنجاب انتظامیہ کو صوبے میں شدید بارشوں کے درمیان فوری کارروائی اور امدادی ٹیموں کو فعال کرنے کی ہدایت کی ہے۔
وزیراعظم آفس سے جاری بیان کے مطابق وزیراعظم نے ضلعی انتظامیہ، ریسکیو 1122، صوبائی ڈیزاسٹر مینجمنٹ اتھارٹی، میونسپل اور دیگر اداروں سے مربوط کوششوں کا مطالبہ کرتے ہوئے مزید کہا کہ مکینوں کی زندگیوں کے تحفظ کے لیے تمام ممکنہ احتیاطی تدابیر اختیار کی جائیں۔
انگلش میں خبریں پڑھنے کے لیے یہاں کلک کریں
انہوں نے نیشنل ڈیزاسٹر مینجمنٹ اتھارٹی این ڈی ایم اے اور دیگر وفاقی اداروں کو حکم دیا کہ وہ ضرورت پڑنے پر پنجاب حکومت کو ہر ممکن مدد فراہم کریں۔
وزیر اعظم شہباز کے مطابق عوام کو کسی بھی ہنگامی صورتحال سے آگاہ کرنے، ٹریفک کے لیے متبادل راستے تیار کرنے اور نکاسی آب کا مناسب بندوبست کرنے کے لیے مناسب اقدامات کیے جائیں۔
این ڈی ایم اے اور پی ڈی ایم اے کو مطلوبہ طریقہ کار کو مربوط کرنے کی ہدایت کرنے کے علاوہ، انہوں نے حکام کو ملک کے دیگر خطوں میں مون سون کی بارشوں کے بعد احتیاطی اقدامات کرنے کی بھی ہدایات دیں۔
وزیر اعظم نے دیہاتوں کے مکینوں کو محفوظ علاقوں میں منتقل کرنے کی ضرورت پر بھی زور دیا جبکہ ان کے مویشیوں اور دیگر املاک کو بھی محفوظ بنایا جائے۔
