شاہد آفریدی کی بھارتی اداکار آفتاب اور سہیل سے اچانک ملاقات

پاکستانی قومی ٹیم کے سابق کپتان شاہد آفریدی کی بھارتی اداکار سہیل خان اور آفتاب شیوداسانی سے اچانک ایئرپورٹ پر ملاقات ہوگئی۔ 

یو ایس ماسٹرز ٹی 10 لیگ کے اختتام کے بعد شاہد آفریدی نے سہیل خان، آفتاب شیوداسانی سے ملاقات کو کیمرے میں قید کرکے انسٹاگرام پر پوسٹ کیا۔

انگلش میں خبریں پڑھنے کے لئے یہاں کلک کریں

فوٹیج میں شاہد آفریدی اور سہیل خان کو دوستانہ انداز میں بات چیت کرتے ہوئے دیکھا جاسکتا ہے۔

شاہد آفریدی نے ویڈیو شیئر کرتے ہوئے کیپشن میں لکھا کہ، میں ٹورنامنٹ اور شاہد آفریدی فاؤنڈیشن کی عطیات کی سرگرمیوں کی وجہ سے گزشتہ 40 دنوں سے امریکہ اور کینیڈا جا رہا ہوں اور مجھے پاکستان کی کمی محسوس ہو رہی ہے۔

شاہد آفریدی کے مطابق ایک چیز جو میں یقینی طور پر جانتا ہوں، وہ یہ ہے کہ لوگ کسی بھی دوسری سرگرمی کے مقابلے میں کھیلوں بالخصوص کرکٹ سے زیادہ متحد ہیں۔

یاد رہے کہ اس ویڈیوسے پہلے شاہد آفریدی اور سنیل شیٹھی سے ملاقات کی ویڈیو بھی سوشل میڈیا پر کافی مقبول ہوئی تھی۔