ڈانسر نورا فتیحی نے نماز کی ادائیگی کے حوالے سے اہم انکشاف کر دیا۔
بالی ووڈ کی معروف ڈانسر اور اداکارہ نورا فتیحی نے اس وقت سب کو چونکا دیا جب انہوں نے اسلام سے اپنے مضبوط تعلق اور روزمرہ کی زندگی میں نماز کی اہمیت پر بات کی۔
نورا نے ایک انٹرویو میں کہا کہ نماز مراقبہ کی طرح ہے کہ یہ پیروکاروں کو اپنے خالق کے ساتھ تعلق قائم کرنے اور اندرونی سکون حاصل کرنے کا موقع فراہم کرتی ہے۔
انگلش میں خبریں پڑھنے کے لئے یہاں کلک کریں
جب انٹرویو میں ان سے نماز کی ادائیگی کے بارے میں پوچھاگیا، تو نورا نے جواب دیا، جی ہاں جب آپ اپنے خالق سے تعلق قائم کرتے ہیں تو آپ کو روحانی اور ذہنی تبدیلی کا سامنا کرنا پڑتا ہے۔
نورا فاتحی نے بات جاری رکھتے ہوئے کہا کہ صرف وہی شخص جو دن میں پانچ وقت کی نماز پڑھتا ہے صحیح معنوں میں اس کی خوبصورتی کو بیان کر سکتا ہے۔
یہ بھی پڑھیں: اونٹ کو 500 ریال کا نوٹ کھلانے والا شہری گرفتار
انہوں نے اقرارکیا کہ وہ اپنے مصروف شیڈول کے باعث دن میں پانچ وقت کی نماز ادا نہیں کر پاتیں۔
انہوں نے ریمارکس دیئے کہ چونکہ ہم سب گناہ گار ہیں اور دن بھر گناہ کرتے رہتے ہیں، اس لیے اب وقت آگیا ہے کہ خدا سے دوبارہ رابطہ کریں اورگناہ صاف کرنے کی کوشش کریں۔
