بھارت میں ایک سیاح خاتون کو مبینہ طور پر زیادتی کا نشانہ بنایا گیا۔
حکام اور جوڑے نے بتایا کہ بھارت کی پولیس نے تین مردوں کو حراست میں لے لیا ہے اور چار دیگر ملزمان کو سیاح پر حملہ کرنے اور خاتون کے ساتھ اجتماعی زیادتی کے الزام میں تلاش کر رہی ہے، جبکہ بھارتی حکام نے انھیں 4 مارچ پیرکے روزمالی معاوضہ دیا۔
انگلش میں خبریں پڑھنے کے لئے یہاں کلک کریں
ہسپانوی ٹی وی چینل 3 اینٹینا کو اپنی شناخت وائیسینٹ اور فرنینڈا کے طور پر کرنے والے جوڑے نے ایک ویڈیو انٹرویو میں کہا کہ ان افراد نے فرنینڈا کے ساتھ زیادتی کی اور ویسینٹ کو بار بار مارا۔
اس جوڑے کا کہنا تھا کہ چونکہ علاقے میں کوئی موٹل نہیں تھا، اس لیے انہوں نے جائے وقوعہ کے قریب کیمپ لگا رکھا تھا۔
یہ بھی پڑھیں: پاکستانی باکسر پیسے چوری کرنے کے بعد لاپتہ
اس جوڑے کو، جو سپین کے شہری ہیں، پولیس نے جمعہ یکم مارچ کو مقامی وقت کے مطابق تقریباً 11 بجے سڑک کے کنارے سے دریافت کیا۔ مشرقی ہندوستان کے ڈمکا میں پولیس سپرنٹنڈنٹ پتمبر سنگھ کھیروار نے صحافیوں کو بتایا کہ ایسا لگتا ہے کہ جوڑے کو مارا پیٹا گیا ہے۔
متاثرہ معاوضہ اسکیم کے مطابق، جج کی نگرانی میں تشکیل دی گئی کمیٹی نے 3 مارچ کو 10 لاکھ ہندوستانی روپے (تقریباً 12,000 ڈالر) دینے کا فیصلہ کیا، ڈمکا کے ڈپٹی کمشنر انجانیولو ڈوڈے نے کہا۔ ہم نے رقم کو فوراً یورو میں تبدیل کر کے اس کے شوہر کے اکاؤنٹ میں منتقل کر دیا۔
