پاکستانی شوبز کی سینئر اداکار ثمینہ احمد نے بتایا کہ ان کو منظر صہبائی نے ڈرامے کی شوٹنگ ختم ہونے کے کچھ عرصے بعد پرپوز کیا۔
اداکارہ ثمینہ احمد حال ہی میں ایک پروگرام میں آئیں جہاں انہوں نے اپنے مداحوں سے اپنی دلچسپ محبت کی کہانی پر گفتگو کی اور منظر صہبائی اور ان کی شادی کے بارے میں پہلی بار کھل کر بات کی۔
سینئر اداکارہ نے بتایا کہ منظر صہبائی سے ان کی پہلی ملاقات ڈرامے دھوپ کی دیوار، کی شوٹنگ کے دوران ہوئی تھی اور جب ڈرامہ اینڈ ہوگیا اس کے بعد وہ دونوں دوبارہ ملے تو منظر صہبائی نے انہیں پرپوز کیا۔
انگلش میں خبریں پڑھنے کے لئے یہاں کلک کریں
اداکارہ 2020 میں ساتھی منظر صہبائی سے شادی کرنے والی 73 سالہ اداکارہ ثمینہ احمد نے کورونا وبا کے دوران انکشاف کیا کہ انہیں اور منظر صہبائی کو پہلی بار اپنی مماثلت کا علم اس وقت ہوا تھا جب وہ ایک وقت میں گھنٹوں فون پر بات کرتے تھے۔
اداکارہ نے دعویٰ کیا کہ جب منظر صہبائی نے پہلی بار شادی کی پیشکش کی تو وہ حیران تھیں کہ یہ کیسے ممکن ہو سکتا ہے لیکن منظر نے بعد میں کورونا وبا سے متعلق سڑکوں کی بندش کے باعث ملاقاتیں مشکل ہونے کے بعد شادی کا مشورہ دیا۔
خوشگوار زندگی
ثمینہ احمد نے کہا کے جب انہوں نے اپنے بچوں سے شادی کے بارے میں بات کی تو انہوں نے اس کی حمایت کی اور کہا کہ یہ آپ کی زندگی ہے، آپ جو بھی فیصلہ کریں گے ہم اسے قبول کریں گے۔
یوں 73 سالہ منظر صہبائی اور اداکارہ ثمینہ احمد رشتہ ازدواج میں منسلک ہوگئے۔ اس جوڑے کی شادی کے سوشل میڈیا پر خوب چرچے ہوئے اور شادی کے لیے ان کے انتخاب کو خوب سراہا گیا۔
واضح رہے کہ اداکارہ ثمینہ احمد کی پاکستانی فلمساز فرید الدین احمد سے دو بچے ہیں جن سے ان کی پہلی شادی ہوئی تھی۔اورمنظر صہبائی جو کے وہ بھی شادی شدہ تھےان کی پہلی شادی سے ایک بیٹا بھی ہے۔
