گوگل نے نیویارک میں اپنے دو نئے اسمارٹ فونز پکسل 8 اور پکسل 8 پرو کی نقاب کشائی کی، جہاں فون کی جدید ترین کیمرہ ٹیکنالوجی توجہ کا مرکز رہی۔
غیر ملکی فرم کا کہنا ہے کہ پکسل 8 اور پکسل 8 پرو اسمارٹ فونز کو گوگل کے فلیگ شپ نیویارک کی ایک تقریب میں لانچ کیا گیا۔
گوگل ڈیوائسز متعدد دلچسپ خصوصیات پیش کرتی ہیں، بشمول 50 میگا پکسلز کی ریزولوشن والا ایک مین کیمرہ، ایک بلٹ ان ٹمپریچر، اور ایک نیا بیسٹ ٹیک ٹول۔
انگلش میں خبریں پڑھنے کے لئے یہاں کلک کریں
دونوں فونز کے پرائمری کیمروں کو 50 میگا پکسلز پر محفوظ کیا گیا ہے، لیکن پکسل 8 کے سیکنڈری کیمرہ اور الٹرا وائیڈ کیمرے کو آٹو فوکس کی صلاحیتوں کے ساتھ بہتر بنایا گیا ہے۔ پکسل 8 پرو کے تمام کیمروں کو اپ گریڈ کر دیا گیا ہے۔
پکسل8 پرو کا ڈسپلے موجودہ پکسل8 کے 6.2 انچ ڈسپلے کے مقابلے میں 6.7 انچ ہے۔
پکسل 8 کی بیٹری کی گنجائش 4575 ایم اےایچ ہے، جبکہ پکسل 8 پرو کی بیٹری کی گنجائش 5050 ایم اےایچ ہے۔ اس فون میں جدید ترین ٹینسرجی3 پروسیسر نصب کیا گیا ہے، دونوں بیٹریوں کے چلنے کا دورانیہ 24 گھنٹے سے زیادہ ہے۔
فون پر صارفین کے لیے دستیاب نئے ایڈیٹنگ ٹولز میں سب سے زیادہ دلچسپ ٹولز گروپ شاٹس کو بہتر بنانے کے لیے بیسٹ ٹیک کے ذریعے تخلیق کیے گئے ہیں۔ جبکہ میجک ایڈیٹر ٹول مصنوعی ذہانت کا استعمال کرکے کسی تصویر میں کسی شخص کی پوزیشن کو مکمل طور پر ایڈجسٹ کر سکتا ہے، لیکن یہ فیچر خود بخود اسی طرح کی تصاویر کو ملا دیتا ہے تاکہ یہ یقینی بنایا جا سکے کہ حتمی تصویر میں موجود تمام لوگ قابل قبول نظر آئیں۔
گوگل نے پکسل 8 کی قیمت 849 ڈالر (2 لاکھ 40 ہزار پاکستانی روپے) جبکہ پکسل 8 پرو کی قیمت 999 ڈالر (2 لاکھ 82 ہزارپاکستانی روپے) رکھی ہے۔
