اشنا شاہ کے انسٹاگرام اکاؤنٹ پر فلسطین کی حمایت کی وجہ سے پابندی لگا دی گئی۔
پاکستان شوبز انڈسٹری کی معروف اداکارہ اشنا شاہ کے انسٹاگرام اکاؤنٹ پر فلسطینیوں کی حمایت کرنے پر پابندی لگا دی گئی۔
اشنا کئی مشہور ڈراموں جیسے بشر مومن، بلا، لشکر اور الف اللہ اور انسان میں اپنی بہترین اداکاری کے لیے جانی جاتی ہیں۔
انگلش میں پڑھنے کیلئے یہاں کلک کریں
اشنا کا شمار شوبز کی ان شخصیات میں ہوتا ہے جو سوشل میڈیا پر غزہ میں بے گناہ فلسطینیوں پر جاری اسرائیلی جارحیت کے خلاف مسلسل آواز اٹھاتی رہتی ہیں۔
انہوں نے سوشل میڈیا ویب سائٹ ایکس پر ایک طویل پوسٹ کرتے ہوئے اپنے مداحوں کو بتایا کہ انسٹاگرام نے فلسطین کی حمایت کرنے پر ان کا اکاؤنٹ ‘شیڈو بین’ کر دیا ہے۔
اشنا شاہ نے اکاؤنٹ پر پابندی لگنے پر اپنے عزم کا اظہار کرتے ہوئے مزید کہا کہ وہ اس پابندی کے باوجود غزہ کے لیے آواز اٹھاتی رہیں گی۔
انہوں نے مداحوں کو بتایا کہ شیڈوبین دراصل مشہور شخصیات کو غزہ کے حق میں بولنے سے روکنے کا ایک طریقہ ہے۔
جو لوگ اپنے فالوورز اور شہرت کھونے سے ڈرتے ہیں وہ شیڈوبین کے بعد خاموش ہوجائیں گے لیکن میں چُپ نہیں رہوں گی۔
یہ بھی پڑھیں: دلکش اشنا شاہ نے گالف کھلاڑی حمزہ امین سے شادی کرلی
