وزیر اعظم شہباز شریف کی طرف سے یہ فیصلہ کرنے کے لیے ایک اعلیٰ اختیاراتی کمیٹی تشکیل دی گئی تھی کہ آیا پاکستان کو بھارت میں ہونے والے کرکٹ ورلڈ کپ میں شرکت کرنی چاہیے یا نہیں۔
بھارت میں کھیلے جانے والے ورلڈ کپ کا فیصلہ وزیر خارجہ بلاول بھٹو زرداری کی زیر صدارت کمیٹی کے اجلاس کے دوران کیا گیا جس میں پاکستان کرکٹ بورڈ پی سی بی کے چیئرمین ذکا اشرف کے علاوہ سینئر سیکیورٹی حکام اور دیگر نے شرکت کی۔
اس نے ملک کی شرکت کو انٹرنیشنل کرکٹ کونسل آئی سی سی کی جانب سے پاکستانی کھلاڑیوں کے لیے فول پروف سیکیورٹی کی گارنٹی دینے سے جوڑ دیا ہے۔
اس معاملے سے باخبر ذرائع نے انکشاف کیا ہے کہ کمیٹی وزیر اعظم کو سفارش کرے گی کہ پی سی بی آئی سی سی کو خط لکھے، جس میں پڑوسی ملک میں بڑھتے ہوئے تشدد اور اسلامو فوبیا کے واقعات کے پیش نظر کرکٹ ٹیم کی سیکیورٹی کی یقین دہانی کرائی جائے۔
انگلش میں خبریں پڑھنے کے لیے یہاں کلک کریں
ملاقات میں خاص طور پر منی پور میں جاری تشدد اور دیگر ریاستوں میں ہندوستان میں مسلمانوں کے خلاف تشدد کے واقعات پر تبادلہ خیال کیا گیا۔
ذرائع نے بتایا کہ کمیٹی نے فیصلہ کیا کہ اگر آئی سی سی پاکستانی ٹیم کو سیکیورٹی کی گارنٹی دے تو حکومت ٹیم کو بھارت بھیجنے پر غور کرے گی۔
کرکٹ ورلڈ کپ اکتوبر اور نومبر میں بھارت میں کھیلا جانا ہے۔ پاکستان اور بھارت کے درمیان ہائی وولٹیج کرکٹ میچ 14 اکتوبر کو گجرات کے شہر احمد آباد میں دنیا کے سب سے بڑے کرکٹ اسٹیڈیم میں کھیلا جائے گا۔
کمیٹی کے چند ارکان نے تجویز پیش کی کہ پاکستان، دونوں ممالک کے درمیان تعلقات کی موجودہ حالت اور بھارت میں تشدد کے دیگر واقعات کے پیش نظر، ورلڈ کپ کے لیے ایک ہائبرڈ ماڈل تجویز کر سکتا ہے۔ تجویز میں کہا گیا ہے کہ پاکستان اپنے میچ بھارت سے باہر کھیلے۔
