بھارت کے ویزے کا انتظار، قومی ٹیم کا دبئی کا دورہ ملتوی

پاکستانی ٹیم کا بھارت کے ویزے کی تاخیر کے باعث دبئی کا دورہ ملتوی کر دیا گیا ہے، کیونکہ ٹیم کو ابھی تک بھارت کے لیے ویزے فراہم  نہیں کیے گئے۔

کرک انفو کے مطابق پاکستانی ٹیم کا ورلڈ کپ سے قبل دبئی کا دورہ منسوخ کر دیا گیا ہے اور ٹیم ابھی تک بھارت کے ویزے کے انتظار میں ہے۔

انگلش میں خبریں پڑھنے کے لئے یہاں کلک کریں  

انتیس ستمبر کو نیوزی لینڈ کے خلاف اپنے پہلے وارم اپ میچ سے قبل پاکستانی ٹیم کو متحدہ عرب امارات (دبئی) پہنچنے اور وہاں کچھ دن قیام کرنے کے بعد اگلے ہفتے کے اوائل میں حیدرآباد جانا تھا۔

اگرچہ ایک اہلکار نے کہا کہ صورتحال خطرناک ہے، لیکن ایسا لگتا ہے کہ پاکستانی ٹیم کے سفر کے لیے ویزے وقت پر پہنچ جائیں گے۔

ورلڈ کپ کے لیے ہندوستان جانے والی نو ٹیموں میں سے پاکستانی وہ واحد ٹیم ہے جو ابھی تک ویزے کا انتظار کر رہی ہے۔