یوٹیوبر داؤد کم  نے منفی ردعمل کے بعد مسجد کی تعمیر روک دی۔

مقبول کوریا کے نو مسلم یوٹیوبر اور گلوکار داؤد کم  نے مقامی باشندوں کے منفی ردعمل کے بعد مسجد کی تعمیر کا منصوبہ روک دیا۔

داؤد کم کی جانب سے جنوبی کوریا کے شہر انچیون میں یونگ جونگ آئی لینڈ پر مسجد بنانے کا اعلان کیا گیا تھا جس کے لیے انہوں نے 136 ہزار 500 ڈالر میں زمین بھی خریدی تھی۔

انگلش میں یہ خبر پڑھنے کے لئے یہاں کلک کریں

ذرائع کے مطابق کم نے ابتدائی طور پر 20 ملین وون ادا کیے تھے اور باقی رقم اگلے ماہ ادا کرنے کا منصوبہ بنایا تھا۔

لوگوں کا منفی ردعمل

تاہم اب مسجد کی تعمیر کے خلاف مقامی لوگوں کے منفی ردعمل کے بعد دونوں فریقوں نے کرایہ دار اور زمین کے مالک کے ساتھ معاہدہ منسوخ کرنے پر رضامندی ظاہر کر دی ہے۔

زمین کے مالک نے کم کے اس جگہ پر مسجد بنانے کے ارادوں سے لاعلمی کا اظہار کیا۔

اپنے سوشل میڈیا پلیٹ فارمز پر شیئر کی گئی ایک پوسٹ میں کم نے لکھا، میں نے مسجد کی تعمیر کے حوالے سے لوگوں سے وصول کی گئی تمام رقم واپس کردی ہے۔

یہ بھی پڑھیں: بنگلہ دیش میں ہیٹ ویو نے تباہی مچا دی، تعلیمی ادارے بند 

انہوں نے لکھا کہ میں نے کبھی کسی کو ہراساں نہیں کیا، دھوکہ یا لڑائی نہیں کی، اگر ان میں سے کوئی بات سچ ہے تو مجھے سزا ملنی چاہیے۔

داؤد نے یہ بھی لکھا کہ مسجد بنانے کا فیصلہ کرنے کے بعد میرے لیے کوریا میں مسائل پیدا ہو گئے۔

انہوں نے لکھا کہ اللہ سب جانتا ہے، میری نیت صرف اللہ کے لیے ہے، کوریا میں مسجد بنانا کبھی ترک نہیں کروں گا۔

واضح رہے کہ داؤد کم نے ستمبر 2019 میں اسلام قبول کرنے کا اعلان کیا تھا۔ داؤد کم کو کم کیون وو اور جے کم کے نام سے بھی جانا جاتا ہے۔ داؤد کم کے یوٹیوب اور انسٹاگرام پر 5.52 ملین سے زیادہ سبسکرائبرز ہیں اور 3.5 ملین فالورز ہیں۔

تازہ ترین خبریں پڑھنے کے لئے یہاں کلک کریں

واشنگٹن: امریکہ میں سینیٹ نے بھی ٹک ٹاک پر پابندی کا بل منظور کرلیا۔

سینیٹ میں ٹک ٹاک پر پابندی کا بل منظور کر لینے کے تحت امریکہ میں ٹک ٹاک کو غیر قانونی قرار دیا جائے گا۔ اس کی منظوری کے بعد یہ قانون صدر جو بائیڈن کے حوالے کر دیا گیا۔

غیر ملکی خبر رساں ادارے کا دعویٰ ہے کہ کانگریس کا مذکورہ قانون 95 ارب ڈالر کے امریکی فوجی امدادی پیکج کا حصہ ہے جو تائیوان، اسرائیل اور یوکرین کو فراہم کیا جا رہا ہے۔

انگلش میں خبریں پڑھنے کے لئے یہاں کلک کریں

سینیٹ نے امریکہ میں ٹک ٹاک کو غیر قانونی قرار دینے کے بل کو بھاری اکثریت سے منظور کر لیا، 18 کے مقابلے میں 79 ووٹ حاصل ہوئے۔ صدر جو بائیڈن اب اس قانون پر دستخط کریں گے۔

بل کے مطابق، بائٹ ڈانس کو ایک سال کے اندر سافٹ ویئر فروخت کرنا ہوگا یا ایپل اور گوگل سافٹ ویئر اسٹورز کے امریکی ورژن سے ہٹانے کا سامنا کرنا پڑے گا۔

یہ بھی پڑھیں: لندن میں فوجی مشقوں کے دوران گھوڑے بدک گئے

خیال رہے کہ امریکی صدر جو بائیڈن نے رواں ماہ کے آغاز میں چینی صدر شی جن پنگ کے ساتھ فون پر بات چیت کے دوران ٹک ٹاک پر اپنے تحفظات کا اظہار کیا تھا۔

اگرچہ امریکہ کا خیال ہے کہ چین امریکہ میں خفیہ جاسوسی کرنے کے لیے ٹک ٹاک کا استعمال کر رہا ہے، لیکن اس پابندی سے قانونی مسائل پیدا ہو سکتے ہیں۔

سوشل میڈیا پلیٹ فارم ایکس کے مالک ایلون مسک نے ایک بیان میں کہا ہے کہ ٹک ٹاک کی پابندی لوگوں کے آزادی اظہار کے حق کی خلاف ورزی کرے گی۔

تازہ ترین خبریں پڑھنے کے لئے یہاں کلک کریں

لندن کے مرکز میں فوجی مشقوں کے دوران گھوڑے غیر متوقع طور پر بدک گئے۔

بین الاقوامی نشریاتی ادارے کے مطابق، بدھ کو بکنگھم پیلس کے قریب معیاری فوجی مشقوں کے دوران پانچ فوجی گھوڑے بدک گئے۔ جس سے کم از کم چار افراد زخمی ہوئے بعد میں گھوڑوں کوپکڑ لیا گیا۔

انگلش میں خبریں پڑھنے کے لئے یہاں کلک کریں

ذرائع کے مطابق، بکنگھم پیلس کے قریب ایک عمارت میں تعمیراتی کام کے دوران کنکریٹ کے گرنے کی آواز سے گھوڑے خوف سے گھبرائے۔ ان کے سرپٹ دوڑتے ہی افراتفری پھیل گئی۔

بدکے گھوڑوں نے ڈبل ڈیکر بس کی ونڈ اسکرین کو بھی توڑ دیا اور سڑک پر کھڑی ٹیکسی کی کھڑکی کو بھی توڑ دیا۔ واقعے میں زخمی ہونے والے فوجیوں کو فوراً طبی امداد دی گئی۔

واضح رہے کہ 1660 سے برطانوی فوج کی گھریلو کیولری کو ملک کے بادشاہوں کی حفاظت کا کام سونپا گیا ہے۔

تازہ ترین خبریں پڑھنے کے لئے یہاں کلک کریں