ٹیکنالوجی کمپنی ایپل نے 7 مئی کو ایک آن لائن ایونٹ کا اعلان کیا ہے۔
ٹیکنالوجی کمپنی ایپل نے اگلے ماہ 7 مئی کو ایک آن لائن ایونٹ میں نئی پراڈکٹ متعارف کرانے کا اعلان کیا ہے۔
غیر ملکی خبر رساں ایجنسی کی جانب سے جاری پریس ریلیز کے مطابق لیٹس لوز ٹیگ آن لائن ایونٹ صبح 10 بجے کمپنی کی ویب سائٹ پر براہ راست نشر کیا جائے گا۔
انگلش میں یہ خبر پڑھنے کے لئے یہاں کلک کریں
ایپل کے لانچ ایونٹس عام طور پر پہلے سے ریکارڈ کیے جاتے ہیں، سال2023 میں کوئی نیا ماڈل متعارف نہ کروانے کے بعد آنے والے ایونٹ میں نئے آئی پیڈز کی ریلیز ہونے کی توقع ہے۔
کمپنی کی جانب سے دعوت نامے میں ایپل پنسل دکھایا گیا ہے، جو کہ کمپنی کا آئی پیڈ اسٹائلس ہے، امکان ہے کہ کمپنی اپنے ہائی اینڈ آئی پیڈ پرو میں اپ گریڈ کے ساتھ بڑے آئی پیڈ ایئر کو جاری کرے گی۔
یہ بھی پڑھیں: اب طالبات کو انٹرنیٹ سیفٹی کے بارے میں تربیت دی جائے گی
ایپل اس عرصے (مارچ-مئی) کے دوران بعض اوقات آئی فونز، ایپل واچز اور لوازمات کے لیے نئے رنگ متعارف کرواتا ہے، کمپنی نے آخری بار یہ ایونٹ مارچ 2022 میں منعقد کیا تھا، جس میں آئی پیڈ ایئر اور ایک لوئر اور آئی فون کا اعلان کیا گیا تھا۔
ایپل کی جانب سے ممکنہ طور پر رواں سال جون میں ہونے والی ورلڈ وائیڈ ڈویلپرز کانفرنس میں مصنوعی ذہانت کے حوالے سے بڑے اعلانات کیے جانے کی توقع ہے۔
