Thursday, May 30, 2024

کوئٹہ دھماکے میں دو پولیس اہلکاروں سمیت چار افراد جاں بحق

- Advertisement -

کوئٹہ: تازہ ترین دہشت گردانہ حملے میں شہر کے علاقے شاہراہ اقبال میں پولیس کی گاڑی کے قریب دھماکے کے نتیجے میں دو پولیس اہلکاروں سمیت چار افراد جاں بحق ہوگئے۔

جیو نیوز سے بات کرنے والے حکام کے مطابق، کوئٹہ دھماکے میں کم از کم 15 دیگر افراد زخمی ہوئے، جس سے قریبی گاڑیوں اور موٹر سائیکلوں کو بھی نقصان پہنچا۔

انگلش میں پڑھنے کے لئے یہاں کلک کریں

ہسپتال انتظامیہ کے مطابق لاشیں سول ہسپتال نے وصول کر لی ہیں۔ دھماکے میں جاں بحق ہونے والوں میں ایک لڑکی بھی شامل ہے۔

سول ڈیفنس کے ڈائریکٹر رفو مندوخیل کے مطابق، دھماکے میں تین سے چار کلو بارودی مواد نصب تھا جو ایک موٹر سائیکل پر لدا ہوا تھا۔

وزیر اعظم شہباز شریف نے دھماکے کی مذمت کی ہے۔ وزیراعظم نے زخمیوں کی جلد صحت یابی کی دعا کی اور متعلقہ حکام کو انہیں بہترین طبی امداد فراہم کرنے کی ہدایات دیں۔

نیز، انہوں نے متعلقہ حکام سے حملے کی رپورٹ طلب کی۔ اے ایف پی کے مطابق کالعدم بلوچستان لبریشن آرمی (بی ایل اے) نے حملے کی ذمہ داری قبول کی ہے۔

اسی مصنف کے اور مضامین
- Advertisment -

مقبول خبریں