عمران خان القادر ٹرسٹ کیس میں گرفتار

اسلام آباد: رینجرز نے منگل کو پاکستان تحریک انصاف (پی ٹی آئی) کے چیئرمین عمران خان کو اسلام آباد ہائی کورٹ سے گرفتار کرلیا۔

قومی احتساب بیورو (نیب) نے القادر ٹرسٹ کیس میں سابق وزیراعظم عمران خان کو اسلام آباد ہائی کورٹ کے باہر سے گرفتار کیا ہے جہاں وہ اپنے خلاف درج متعدد ایف آئی آرز میں ضمانت لینے گئے تھے۔

انگلش میں پڑھنے کے لئے یہاں کلک کریں

پی ٹی آئی چیئرمین کو قانون نافذ کرنے والے ادارے نے بلیک ویگو میں گرفتار کر لیا۔

انسپکٹر جنرل آف پولیس اسلام آباد ڈاکٹر اکبر ناصر خان نے گرفتاری کی تصدیق کرتے ہوئے کہا کہ خان کو القادر ٹرسٹ کیس میں گرفتار کیا گیا، انہوں نے مزید کہا کہ صورتحال قابو میں ہے۔

پی ٹی آئی رہنما مراد سعید نے خبر کی تصدیق کرتے ہوئے کہا کہ خان پر تشدد کیا گیا اور انہیں حراست میں لیا گیا۔ انہوں نے تمام پارٹی کارکنوں اور حامیوں سے سڑکوں پر آنے کی اپیل کی۔