اقوام متحدہ کی سلامتی کونسل نے جمعرات کو متفقہ طور پر طالبان انتظامیہ کی جانب سے افغانستان میں اقوام متحدہ کے لیے کام کرنے والی افغان خواتین پر پابندی کی مذمت کی اور طالبان رہنماؤں سے مطالبہ کیا کہ وہ خواتین حقوق کے خلاف کریک ڈاؤن کوتیزی سے واپس لیں۔

قرارداد کے مطابق، اقوام متحدہ کے لیے کام کرنے والی افغان خواتین پر پابندی اقوام متحدہ کی تاریخ میں بے مثال ہے، یہ افغان معاشرے میں خواتین کے ناگزیر کردار کی تصدیق کرتی ہے،اور انسانی حقوق اور انسانی اصولوں کو مجروح کرتی ہے۔

انگلش میں خبریں پڑھنے کے لئے یہاں کلک کریں

اقوام متحدہ کی سفیر لانا نسیبہ کے مطابق

متحدہ عرب امارات کی اقوام متحدہ کی سفیر لانا نسیبہ نے کہا، 90 سے زائد اقوام، بشمول افغانستان کے قریبی پڑوس اور مسلم دنیا کے کونے کونے سے تعلق رکھنے والے لوگوں نے قرارداد کی مشترکہ سرپرستی کی۔

انہوں نے کونسل کو بتایا، کہ اب مسلم دنیا خاموش نہیں رہے گی  یہ حمایت آج ہمارے بنیادی پیغام کو مزید اہم بناتی ہے کیونکہ افغانستان میں خواتین معاشرے سے بہت پیچھے ہیں۔

 یکم مئی کو سلامتی کونسل کا یہ فیصلہ دوحہ میں افغانستان پر بین الاقوامی کانفرنس ہونے سے چند روز قبل کیا گیا ہے۔ طالبان سے نمٹنے کے لیے اقوام متحدہ کے سکریٹری جنرل انتونیو گوتریس مختلف ممالک سے افغانستان کے لیے خصوصی ایلچی طلب کریں گے تاکہ ایک متفقہ نقطہ نظر پر کام کیا جا سکے۔

اقوام متحدہ میں نائب امریکی سفیر رابرٹ ووڈ نے کونسل کو خبردار کیا، کہ ہم خواتین اور لڑکیوں کے ساتھ طالبان کے ناروا سلوک کے لیے کھڑے نہیں ہوں گے۔ یہ انتخاب ناقابل قبول ہیں۔ یہ دنیا کے اس خطے کے لیے منفرد ہیں۔

طالبان کے فرمان کے نتیجے میں افغانستان کو ناقابل تلافی نقصان پہنچ رہا ہے۔

دسمبر میں افغان خواتین کی اکثریت کو انسانی امدادی تنظیموں کے لیے کام کرنے سے منع کرنے کے بعد، طالبان نے اس ماہ کے شروع میں اقوام متحدہ کے لیے کام کرنے والی خواتین پر پابندی پر عمل درآمد شروع کر دیا تھا۔ انہوں نے 2021 میں مغربی حمایت یافتہ انتظامیہ کو بے دخل کرنے کے بعد عوامی زندگی تک خواتین کی رسائی پر پابندیوں کو بھی مضبوط کیا ہے، جس میں خواتین کے یونیورسٹی جانے پر پابندی اور لڑکیوں کے ہائی اسکولوں کو بند کرنا بھی شامل ہے۔

طالبان کے مطابق

طالبان کہتے ہیں کہ، وہ اسلامی قانون کی اپنی سخت تشریح کے مطابق خواتین کے حقوق کا ہمیشہ احترام کرتے ہیں۔ ان حکام کا کہنا ہے کہ خواتین امدادی کارکنوں کے بارے میں فیصلے ایک اندرونی مسئلہ ہیں۔

سلامتی کونسل کا فیصلہ افغانستان کو درپیش اہم اقتصادی مسائل کو حل کرنے کی ضرورت کو تسلیم کرتا ہے، بشمول مرکزی بینک کے اثاثوں کو افغان عوام کے فائدے کے لیے استعمال کرنا۔

ریاستہائے متحدہ میں بینک کے پاس موجود اربوں ڈالر کے ذخائر کو ملک نے منجمد کر دیا، جس نے بالآخر امریکی، سوئس اور افغان ٹرسٹیز کے زیر انتظام سوئس ٹرسٹ فنڈ میں نصف رقم منتقل کر دی۔

 چین کے نائب سفیر گینگ شوانگ نے اقوام متحدہ میں کہا کہ آج تک، ہم نے صرف اثاثوں کو ایک اکاؤنٹ سے دوسرے اکاؤنٹ میں منتقل ہوتے دیکھا ہے، لیکن افغان عوام کو ایک پیسہ بھی واپس نہیں کیا گیا ہے۔

اقوام متحدہ میں روس کے سفیر واسیلی نیبنزیا نے بھی افغان مرکزی بینک کی ملکیتی اثاثوں کی واپسی کا مطالبہ کیا۔

شمالی کوریا کے رہنما کِم جونگ اُن کی بااثر بہن نے خدشہ ظاہر کیا ہے کہ امریکہ اور جنوبی کوریا کے درمیان حالیہ معاہدہ زیادہ سنگین خطرہ کا باعث بنے گا۔

شمالی کوریا سے جوہری خطرات کا مقابلہ کرنے کے لیے، امریکہ نے جنوبی کوریا کو جوہری ہتھیاروں سے لیس آبدوزیں بھیجنے اور سیول کو اپنی جوہری تیاریوں میں شامل کرنے پر رضامندی ظاہر کی۔

سرکاری میڈیا کے مطابق کم یو جونگ نے کہا کہ شمالی کوریا کے جوہری ڈیٹرنٹ کو مزید بہتر بنانا چاہیے۔

انگلش میں خبریں پڑھنے کے لئے یہاں کلک کریں

جنوبی کوریا نے بدلے میں اپنے جوہری ہتھیار تیار کرنے سے انکار کرنے پر رضامندی ظاہر کی۔

معاہدے کی اہمیت 

یہ معاہدہ، جسے واشنگٹن ڈیکلریشن کے نام سے جانا جاتا ہے، گزشتہ ہفتے اس وقت منظر عام پر آیا تھا جب صدر جو بائیڈن نے امریکی دارالحکومت میں جنوبی کوریا کے یون سک یول کے ساتھ بات چیت کی۔

اس معاہدے کے حوالے سے، محترمہ کم کا کہنا تھا کہ دشمن جتنا زیادہ جوہری اثاثے جزیرہ نما کوریا کے آس پاس تعینات کرے گااور جتنے زیادہ جوہری جنگی مشقیں کرنے پر تیار ہوگا، ہمارے اپنے دفاع کے حق کا استعمال اتنا ہی مضبوط ہوگا۔

انہوں نے پیشگی خبردار کیا کہ اس کارروائی کے نتیجے میں شمال مشرقی ایشیا اور دنیا کے امن و سلامتی کے لیے خطرہ بڑھے گا۔

محترمہ کم مبینہ طور پر اپنے بھائی پر اثر و رسوخ رکھتی ہیں اور ورکرز پارٹی آف کوریا کی مرکزی کمیٹی میں ایک اعلیٰ عہدے پر فائز ہیں۔

صدر بائیڈن کے مطابق یہ معاہدہ شمالی کوریا کے حملے کو روکنے میں اتحادیوں کے تعاون کو فروغ دے گا۔

صدر یون نے کہا کہ یہ معاہدہ ایک بے مثال امریکی عزم کی نمائندگی کرتا ہے جو حملوں کو ناکام بنانے اور اتحادیوں کے دفاع کے لیے جوہری ہتھیاروں کے استعمال کے لیے ہے۔

چین نے جان بوجھ کر کشیدگی کو ہوا دینے اور تنازعات کو بڑھا چڑھا کر پیش کرنے والے خطرات کے خلاف ایک انتباہ جاری کیا ہے۔

اس معاہدے کے تحت، جنوبی کوریا کو امریکہ 40 سالوں میں پہلی بار جوہری ہتھیاروں سے لیس آبدوز بھیجے گا، اس کے ساتھ جوہری صلاحیت رکھنے والے بمبار طیارے بھی اسمیں شامل ہوںنگے۔

جوہری خطرے پر تنازع کے دونوں اطراف میں تشویش کا بڑھنا

شمالی کوریا کے جوہری خطرے پر تنازع کے دونوں اطراف میں تشویش بڑھ گئی ہے۔ پیانگ یانگ اپنے طویل فاصلے تک مار کرنے والے ہتھیاروں کو مکمل کر رہا ہے، جو امریکی سرزمین تک پہنچ سکتے ہیں، اور ٹیکٹیکل ایٹمی ہتھیار بنا رہے ہیں جو جنوبی کوریا کو نشانہ بنا سکتے ہیں۔

امریکہ نے پہلے ہی بین الاقوامی قوانین کے تحت جنوبی کوریا کا دفاع کرنے پر آمادگی ظاہر کی ہے اور اس نے ضرورت پڑنے پر جوہری ہتھیاروں کی تعیناتی کا وعدہ بھی کیا ہے۔ تاہم، کچھ جنوبی کورین لوگوں نے اس پر سوال اٹھانا شروع کر دیے ہیں اور جنوبی کوریا سے اپنا جوہری پروگرام جاری رکھنے کا مطالبہ کر دیا ہے۔

کیف سمیت یوکرین کے آس پاس کے شہروں پر روسی فضائی میزائل حملوں کے نتیجے میں کم از کم 19 افراد ہلاک ہو گئے ہیں۔

حکام کے مطابق عمان کے مرکز میں رہائشی عمارت پر روسی میزائل حملے میں ایک بچے سمیت 17 افراد ہلاک ہو گئے۔

مقامی میئر کے مطابق دنیپرو میں ایک ماں اور اس کا تین سالہ بچہ بھی مارا گیا۔

روسی وزارت دفاع نے کہا کہ انکی فوج نے حملوں کے ذریعے یوکرائنی فوج کے ریزرو یونٹس کو نشانہ بنایا ہے۔

سرکاری خبر رساں ایجنسی  آر آئی اے کے مطابق، روس نے مبینہ طور پر جمعہ کے روز انتہائی درست ہتھیاروں کو استعمال کیا جبکہ ریزرو یونٹس کو نشانہ بنایا۔

انگلش میں خبریں پڑھنے کے لئے یہاں کلک کریں 

عمان میں ایک نو منزلہ اپارٹمنٹ کی عمارت میزائل لگنے کے بعد جزوی طور پر منہدم ہو گی۔

عمان میں بلاک ہٹ کے رہائشی 35 سالہ اولیکسینڈر نے بتایا کہ وہ زور دار دھماکے کی آواز سن کر بیدار ہو گئے۔ میں یہ سمجھنے سے قاصر تھا کہ کیا ہو رہا ہے۔ جب میں بالکونی میں گیا تو مجھے چاروں طرف شیشے نظر آئے۔

واقعے کے 10 گھنٹے بعد بھی امدادی کارکن جائے وقوعہ پر موجود تھے جبکہ مقامی لوگوں نے اپنی کچھ اشیاء کو نکالنے کی کوشش کی۔ کچھ مقامی لوگ پہلے ہی قریبی عمارتوں کی ٹوٹی ہوئی کھڑکیوں کو ٹھیک کر رہے تھے۔