اسلام آباد، ساجد حسین طوری وزیر برائے اوورسیز پاکستانیزکے مطابق حکومت رواں سال 10 لاکھ پاکستانیوں کو ویزے جاری کر کے کام کی تلاش میں بیرون ملک بھیجے گی۔
وزیر کے مطابق، جاپان نے حال ہی میں قابل پاکستانی کارکنوں کے لیے ویزے جاری کرنا شروع کیے ہیں۔
انگلش میں خبریں پڑھنے کے لئے یہاں کلک کریں
اتوار کو ایک نجی ٹیلی ویژن نیٹ ورک کے ساتھ خصوصی گفتگو میں طوری نے یہ بتایا۔ کہ سعودی حکام جلد ہی پاکستان میں ورک پرمٹ کے لیے ویزہ جاری کریں گے، اور جرمنی، یونان اور رومانیہ سمیت 50 دیگر ممالک کے ساتھ نئے معاہدوں پر دستخط کیے جا رہے ہیں۔” مزید برآں، وزیر طوری نے کہا کہ فنی تربیت کا امتحان پاس کرنے والے پاکستانی سعودی ویزے کے لیے اہل ہوں گے۔
وزیر کا کہنا ہے کہ جنوبی کوریا کو فوری طور پر 10,000پاکستانی ہنرمند کارکنوں کی ضرورت ہے اور اس نے حال ہی میں ان کے لیے ویزے جاری کرنا شروع کیے ہیں۔
اس کے علاوہ، جرمنی اور رومانیہ کے ورک ویزے اب پاکستانیوں کے لیے دستیاب ہیں، اور پرتگال اور یونان کے لیے پروفیشنل اور لیبر ویزوں کی پیشکش پر کام جاری ہے۔
