کراچی میں سیوریج لائن میں دھماکے سے 9 افراد زخمی

سولجر بازار پولیس کے مطابق، کراچی کے علاقے لسبیلہ میں جمعہ کو سیوریج لائن میں دھماکے سے کم از کم نو افراد زخمی ہوگئے۔

سولجر بازار پولیس سٹیشن نے سیوریج لائن دھماکے کے حوالے سے ابتدائی اپ ڈیٹ جاری کرتے ہوئے کہا ہے کہ دھماکے کی وجہ جاننے کے لیے مکمل تحقیقات کی جا رہی ہیں۔

بیان میں یہ بھی بتایا گیا کہ دھماکے کے نتیجے میں 9 افراد زخمی ہوئے، جن میں سے تمام کو ضروری طبی امداد کے لیے سول اسپتال منتقل کر دیا گیا ہے۔

انگلش میں خبریں پڑھنے کے لیے یہاں کلک کریں 

پولیس کے بیان میں کہا گیا ہے کہ زخمی ہونے والے افراد کی شناخت لال محمد، اعجاز، حفیظ، منصور، نصیر الدین، خرم، منصور، عارف اور ذوق اختر کے نام سے ہوئی ہے۔

سرکاری خبر رساں ادارے اے پی پی نے ریسکیو 1122 حکام کے حوالے سے بتایا کہ دھماکہ گیس جمع ہونے کے باعث ہوا۔