چین کے ایک نرسنگ ادارے میں 23 سالہ لڑکی نے 80 سالہ شخص سے شادی کر لی۔
غیر ملکی میڈیا رپورٹس میں بتایا گیا ہے کہ 23 سالہ شیاؤ فانگ کی ملاقات 80 سالہ مسٹر لی سے اس وقت ہوئی جب وہ چین کے صوبہ ہیبی میں نرسنگ کی ایک سہولت میں ملازمہ تھی، ان میں محبت کے بعد شادی ہو گئی۔
انگلش میں خبریں پڑھنے کے لئے یہاں کلک کریں
میڈیا کی کہانی میں دعویٰ کیا گیا ہے کہ جیسے جیسے وقت گزرتا گیا، ان کے تعلقات میں اضافہ ہوتا گیا، آخرکار وہ محبت میں بدل گئے اور ان کی پسند کی شادی ہو گئی۔
غیر ملکی میڈیا کا کہنا تھا کہ نوجوان لڑکی کے گھر والے اس شادی سے ناخوش اور غیر مطمئن تھے تاہم وہ اپنے فیصلے پر ڈٹے رہے۔ اس کے اہل خانہ نے تقریب میں شرکت نہیں کی جو کہ معمولی انداز میں کی گئی۔
یہ بھی پڑھیں: خواجہ سراء ٹِک ٹوکر کا پولیس آفس میں رقص کا مظاہرہ
اس کے شائع ہونے کے بعد مقامی سوشل میڈیا پر اس موضوع پر بحث جاری ہے۔
کچھ صارفین نے بیٹی کے فیصلے کی تعریف کی، جب کہ کچھ نے دعویٰ کیا کہ لڑکی نے مالی فائدے کے لیے اس بزرگ سے شادی کی ہو گی۔
